Türkiyə, Rusiya, İran, Suriya XİN nümayəndə heyətləri arasında görüş başlayıb

Moskvada xarici işlər nazirlərinin görüşünə hazırlıq çərçivəsində Rusiya, Türkiyə, İran və Suriya xarici işlər nazirliklərinin (XİN) nümayəndə heyətləri arasında görüş başlayıb.

Görüşün açılışında Rusiyanın xarici işlər naziri Sergey Lavrov çıxış edib.

Türkiyə nümayəndə heyətinə xarici işlər nazirinin müavini Burak Akçaparın başçılıq etdiyi bildirilir. Rusiyanı Prezidentin Yaxın Şərq və Afrika ölkələri üzrə xüsusi nümayəndəsi, xarici işlər nazirinin müavini Mixail Boqdanov, İranı xarici işlər nazirinin siyasi məsələlər üzrə müşaviri Əli Əsgər Hacı, Suriyanı isə xarici işlər nazirinin müavini Ayman Susan təmsil edir.

Moskva danışıqlarının iştirakçıları XİN rəhbərlərinin görüşünün gündəliyini və əməkdaşlıq yollarını müzakirə edirlər.