Şolts: “Almaniyanın Nazirlər Kabineti iyunun 14-də milli təhlükəsizlik strategiyasını qəbul edəcək”

Almaniya kansleri Olaf Şolts iyunun 14-də Nazirlər Kabinetinin hakim koalisiyadakı ziddiyyətlərə görə təsdiqlənməsi dəfələrlə təxirə salınan milli təhlükəsizlik strategiyasını qəbul edəcəyini bildirib.

Bunu hökumət başçısı Bad-Zarov (Brandenburq) kommunasında keçirilən Şərqi Almaniya İqtisadi Forumunda çıxışı zamanı deyib.

"Növbəti çərşənbə günü biz kabinetdə milli təhlükəsizlik strategiyamızı təsdiq edəcəyik", - o deyib.

Eyni zamanda, o, Almaniyaya kritik əhəmiyyət kəsb edən xammalın tədarükünün təmin edilməsinə mühüm yer veriləcəyini qeyd edib. "Xammal mərkəzi rol oynayır. Məhz buna görə də biz Avropa İttifaqında Avropanı strateji əhəmiyyətli xammalla etibarlı təchizatla təmin etmək üçün Kritik Xammal Aktı adlanan direktiv (kritik xammalların siyahısı - red.) üzərində işləyirik. ", - Almaniya hökumətinin başçısı vurğulayıb.

Eyni zamanda o, Almaniyanın “Aİ-nin Cənubi Amerika, Asiya və Afrika ölkələri ilə yeni azad ticarət sazişlərinin” tərəfdarı olduğuna diqqət çəkib.