Saakaşvilinin məktubu yayıldı: “ABŞ köməyimə gəlməsə, dəhşətli siqnal olacaq…”

Gürcüstanın keçmiş prezidenti Mixail Saakaşvilinin Bloomberg-ə göndərdiyi məktubda deyilir ki, ABŞ mənim müdafiəmə gəlməsə, bu, regionun bütün qərbyönlü liderləri üçün dəhşətli siqnal olacaq.

AJMEDİA.İNFO xəbər verir ki, bu barədə Gürcüstan mətbuatı məlumat yayıb.

Agentliyin məlumatına görə, Mixail Saakaşvili onu da yazır ki, oktyabrda, seçkilərdən əvvəl o, Gürcüstana qayıdıb, çünki “Rusiya oyunları” və Gürcüstan hökumətinin bəyanatlarının birləşməsi onu ölkənin Aİ-yə daxil olmaq məqsədindən vaz keçdiyinə inandırıb.

Vaşinqton rəsmiləri cavab olaraq M.Saakaşvilinin oktyabrın 1-dəki həbsindən sonra müalicəsini diqqətlə izlədiklərini, Gürcüstan hökumətini ona qarşı ədalətli davranmağa, beynəlxalq hüquq normalarına uyğun olaraq barəsindəki cinayət işlərinə dair məhkəmə iclaslarındakı iştirakını təmin etməyə çağırdıqlarını bildiriblər.(modern.az)