Rəsul Quliyev: "Vətənimiz İrandır" - SENSASİON AÇIQLAMA - VİDEO

İnternet resurslarında Milli Məclisin sabiq sədri Rəsul Quliyevin videomüsahibəsindən bir fraqment yayılıb. Fars dilində alt yazıları ilə müşayiət olunan bu fraqmentdə R.Quliyevin jurnalist Emin Hüseynliyə müsahibə verdiyi görünür.

AJMEDİA.İNFO-nun məlumatına görə, R.Quliyev İran mövzusunda danışaraq deyir ki, vətənimiz İrandır, 1812-ci ildə Rusiya Azərbaycanın yarısını İrandan qoparıb, bu olmasaydı, biz İran vətəndaşı olacaqdıq.

Bundan başqa, o, Cənubi Azərbaycanda yaşayan soydaşlarımızın assimlyasiya olunmadığın, özlərini iranlı saydıqlarını bildirir və deyir ki, əksinə, onlar müstəqil Azərbaycanın İrana qatılacağını düşünürlər.

Qeyd edək ki, bu videomüsahibənin köhnə olması ehtimalı böyükdür. Fəqət Azərbaycanın aparıcı siyasi simalarından biri bu düşüncədədirsə və bu fraqment bu gün, İranla Azərbaycanın arasında müəyyən gərginlik yarandığı günlərdə yayılırsa, demək, bulanıq suda balıq tutmaq istəyənlər var.(musavat.com)