İsveçrənin Ankaradakı səfiri Ərdoğan əleyhinə mitinqlə əlaqədar Türkiyə Xarici İşlər Nazirliyinə çağırılıb

İsveçrənin Ankaradakı səfiri Jan-Daniel Rux cümə axşamı Sürixdə prezident Rəcəb Tayyib Ərdoğana qarşı keçirilən aksiyaya görə Türkiyə Xarici İşlər Nazirliyinə çağırılıb. Bu barədə Türkiyə Xarici İşlər Nazirliyindəki mənbə məlumat verib.

“İyunun 14-də Sürixdə prezidentimizə qarşı maketin yandırılması və plakat nümayiş etdirilməsi ilə bağlı insident olması barədə məlumat daxil olduqdan sonra İsveçrənin Ankaradakı səfiri Jan-Daniel Rux bu gün, iyunun 15-də səhər bizimlə görüşə dəvət olunub”, - açıqlamada bildirilir.

Türkiyə Xarici İşlər Nazirliyi insidentlə bağlı “insidentlə bağlı araşdırmaya başlamağı, günahkarların müəyyən edilməsini və təcili olaraq lazımi tədbirlərin görülməsini” tələb edib. İsveçrənin Xarici İşlər Nazirliyindəki səfirini nazir müavini, Avropa məsələləri üzrə departamentin rəhbəri Mehmet Kamal Bozai qəbul edib.

Türkiyə Avropa ölkələrində onun hakimiyyətinə qarşı yönəlmiş aksiyaları, anti-islam ritorikasını və ya Ankarada terrorçu kimi tanınan təşkilatlara dəstək nümayişlərini diqqətlə izləyir. Demək olar ki, hər dəfə belə hadisələr səfirin XİN-ə çağırılması ilə yekunlaşır.