İraqın Baş naziri Mustafa əl-Kazımi İŞİD terror qruplaşmasının keçmiş lideri Əbubəkr əl-Bağdadinin müavini, maliyyə məsələlərinə nəzarət edən Sami Casimin saxlanıldığını açıqlayıb.

AJMEDİA.İNFO xəbər verir ki,“təhlükəsizlik qüvvələri ölkədə keçirilən parlament seçkilərini qoruduğu halda, onların kəşfiyyatda çalışan həmkarları İŞİD-in maliyyə məsələlərinə cavabdeh Sami Casimin tutulması üçün ən çətin əməliyyatlardan birini icra ediblər”, - deyə baş nazir bildirib.

Qeyd olunur ki, terrorçunun saxlanılması ilə bağlı əməliyyat ölkə xaricində həyata keçirilib. TASS