İdlibdə silahlı hücumda bir suriyalı əsgər yaralandı

Suriyanın İdlib vilayətində silahlıların minaatanlardan atəşə tutması nəticəsində bir suriyalı əsgər yaralanıb.

AJMEDİA.İNFO xəbər verir ki, bu barədə Suriyada döyüşən tərəflərin barışdırılması üzrə mərkəzin rəhbərinin müavini, kontr-admiral Vadim Kulit bildirib.

“İdlib əyalətində terrorçuların Əz-Ziar bölgəsindən hökumət qüvvələrinin Sanjeka qəsəbəsi ərazisindəki mövqelərini minaatanlardan atəşə tutması nəticəsində Suriya əsgəri yaralanıb”, - Qulit bildirib.

Onun sözlərinə görə, son sutka ərzində İdlib deeskalasiya zonasında silahlıların mövqelərindən 9 hücum qeydə alınıb.

Kulit vurğulayıb ki, mərkəz qeyri-qanuni silahlı birləşmələrin komandirlərini silahlı təxribatlardan əl çəkməyə və nəzarət etdikləri ərazilərdə vəziyyətin sülh yolu ilə nizamlanması yolunu tutmağa çağırır.