Bu gün koronavirusdan 2 nəfər öldü - SON STATİSTİKA

Azərbaycan Respublikasında koronavirus (COVID-19) infeksiyasına mayın 11-də 20 yeni yoluxma faktı qeydə alınıb, 23 nəfər müalicə olunaraq sağalıb.

Nazirlər Kabineti yanında Operativ Qərargahdan AJMEDİA.İNFO-ya verilən məlumata görə, COVID-19 üçün götürülən analiz nümunələri müsbət çıxmış şəxslər arasında 2 nəfər vəfat edib.

Azərbaycanda indiyədək ümumilikdə 831 619 nəfərin koronavirus infeksiyasına yoluxması faktı müəyyən edilib. Onlardan 821 224 nəfər müalicə olunaraq sağalıb, 10 262 nəfər vəfat edib, aktiv xəstə sayı 133 nəfərdir.

Ölkədə son sutka ərzində 1184, hazırki dövrədək isə 7 601 432 test aparılıb.