Azərbaycanda yaşayan yəhudilər "Purim" bayramını qeyd edirlər

Azərbaycanda multikulturalizm xalqların və dini konfessiyaların dostluq və mehriban qonşuluq şəraitində fəaliyyətini və birgə yaşayışını təmin edən ölkənin dövlət siyasətidir. Tarix boyu və zamanımızda Azərbaycan ərazisində müxtəlif etnik-dil qruplarına mənsub yəhudilər yaşayır. Bu gün Azərbaycanın müxtəlif bölgələrində yaşayan yəhudilər öz tarixi bayramlarından biri olan Purim bayramını qeyd edirlər. Bu münasibətlə Azərbaycan Parlamentinin Millət vəkili, Azərbaycan-İsrail parlamentlərarası əlaqələr üzrə işçi qrupunun rəhbəri Rafailov Anatoliy Xaimoviç Bakı sinaqoqunda Purim bayramında iştirak edib. Qeyd edək ki, millət vəkili hər iki dövlətin Azərbaycan-İsrail, eləcədə dünya yəhudilərlə münasibətin xüsusi formalaşmasında özünəməxsus əməyi vardır. Buna görə bu il o, Azərbaycan Respublikasının Prezidenti İlham Əliyev tərəfindən Azərbaycan Respublikasının ictimai-siyasi həyatında fəal iştirakına görə "Şöhrət ordeni"nə layiq gorulmuşdur. Anatoliy Rafayılov bir daha dünya yəhudilərinin və Azərbaycanda yaşayan yəhudilərin Purim bayramı münasibəti ilə təbrik etmiş, əsrlər boyu Azərbaycanda mehribanlıq, əmin-amanlıq və harmoniya şəraitində yaşayan yəhudi icmalarının hər il ölkədə bu kimi bayramların yüksək şəkildə qeyd edilməsini vurğulamışdır.