Ermənisevər deputat Ukraynada ÖLÜ TAPILDI

Ukrayna Ali Radasının deputatı, qondarma “erməni soyqırımı”nın tanınması ilə bağlı layihənin müəllifi Anton Polyakov ölüb.

AJMEDİA.İNFO xəbər verir ki, bu barədə Ukrayna mətbuatı yazıb.

Kiyev prokurorluğu Polyakovun kəskin ürək çatışmazlığından öldüyünü bildirib.

Qeyd edək ki, dünən Polyakov öz avtomobilində huşsuz vəziyyətdə tapılmışdı. Hadisə yerinə gələn həkimlərin müdaxiləsinə baxmayaraq, onun həyatını xilas etmək mümkün olmayıb.

Xalqın Xidmətçisi Partiyasından deputat olan Polyakov qondarma “erməni soyqırımı”nın tanınması ilə bağlı qanun layihəsinin müəllifidir.