Ərəb şahzadəsi İsrailə səfər edəcək - Naftali Bennet DƏVƏT EDİB

Bəhreynin baş naziri, vəliəhd şahzadə Salman bin Həməd bin İsa Al Xəlifə İsrailin baş naziri Naftali Bennetin bu ölkəyə səfər dəvətini qəbul edib.

AJMEDİA.İNFO xəbər verir ki, bu barədə Krallığın xarici işlər naziri Abdel Lətif bin Rəşid Az Zayani deyib.

"Vəliəhd N.Bennetin İsrailə səfər dəvətini qəbul edib. İsrail Nazirlər Kabinetinin rəhbəri ilə danışıqlarda toxunulan mövzular arasında İranın nüvə proqramı və terrorizm də olub", - deyə Krallığın XİN rəhbəri bildirib.

Bundan əlavə, Al Zayani vurğulayıb ki, N.Bennettin Krallığa səfərini iki ölkə arasındakı münasibətlərdə mühüm addım adlandırıb.

Xatırladaq ki, İsrailin baş naziri fevralın 14-ü tarixdə ilk dəfə Bəhreynə rəsmi səfərə gəlib. Fevralın 15-i Naftali Bennet Bəhreynin vəliəhdi, yəhudi icmasının liderləri, ABŞ-ın Beşinci Donanmasının komandanı, vitse-admiral Bred Kuper, həmçinin Krallığın Xarici İşlər Nazirliyinin rəhbəri Əbdüllətif bin Rəşid Al Zəyani və bir sıra digər nazirlər ilə görüşlər keçirib.(Trend.az)