Vilayət Eyvazovdan baş leytenant Atakişiyevlə bağlı ƏMR
4 saat əvvəlBakıda Avropa Ravvinlərinin Konfransı keçiriləcək
03 Avqust 2023
Baxış: 333
Avropa ölkələrindən olan yüzlərlə ravvin noyabrın 12-dən 15-dək Bakıda Avropa ravvinlərinin iki ildən bir keçirilən konfransında iştirak edəcək.
AJMEDİA.İNFO “Jewish News Syndicate”ə istinadən xəbər verir ki, Azərbaycanda ilk dəfə keçiriləcək konfransda 500-ə yaxın avropalı ravvinin iştirakı gözlənilir.
“Azərbaycan yəhudi xalqı üçün xüsusi ölkədir və dünyada ən nadir yəhudi icmalarından biri məhz burada yaşayır”, - bu ilin əvvəlində Azərbaycanda səfərdə olan və Prezident İlham Əliyev tərəfindən qəbul edilən Avropa Ravvinləri Konfransının prezidenti ravvin Pinhas Qoldşmit bildirib.
Konfransın əsas mövzusu dini etiqad azadlığı və yəhudi icmalarının fəaliyyəti ilə bağlı məsələlər olacaq.
Avropalı ravvinlər həmçinin dağ yəhudilərinin böyük icmasının əsrlər boyu kompakt şəkildə yaşadığı Qubaya səfər edəcək.
Nəşrin məlumatına görə, bu tədbirin məhz Bakıda keçirilməsi Azərbaycan və yəhudi xalqları arasında çoxəsrlik sıx əlaqələrdən irəli gələn misilsiz strateji tərəfdaşlığın təzahürüdür. Tədbir də İsraillə Azərbaycan arasında münasibətlərin möhkəmlənməsi fonunda təşkil olunacaq.
