Azərbaycan yeni müharibəyə hazırlaşır: Türkiyə hər cür kömək edir - Sona Xaçatryan

Razminfo saytının analitiki Sona Xaçatryan Laçın rayonunda xüsusi təyinatlıların iştirakı ilə başlayan Türkiyə-Azərbaycan hərbi təlimlərindən danışıb.

AJMEDİA.İNFO konkret.az-a istinadən xəbər verir ki, xəbər verir ki, analitikin sözlərinə görə, “Ermənistanın Qarabağla arasındakı həyati əlaqə baxımından Laçın bölgəsinin xüsusi əhəmiyyətini bilirik. İndi bu ərazilərdə böyük bir təhlükə yaşanır. Bilirik ki, 9 Noyabr tarixli üçtərəfli bəyannaməyə əsasən, Rusiya sülhməramlılarının vasitəçiliyi ilə hələ də Laçın dəhlizi ilə əlaqə saxlanılır, ancaq koridorun asfalt hissəsi boyunca nisbətən təhlükəsiz keçə bilərik”.

Sona Xaçatryan vurğulayıb ki, Laçın bölgəsindəki hərbi təlimlər Ermənistanla Qarabağ arasındakı bu kiçik əlaqəni belə kəsmək məqsədi daşıyır:

“Azərbaycan və Türkiyə hazırda hava, hava-dəniz və quru qoşunlarının birgə təlimlərini davam etdirir. Xüsusi təyinatlı qruplar mütəmadi olaraq Azərbaycandan Türkiyəyə gedir və gəlir, yəni aralarındakı əməkdaşlıq çox intensiv şəkildə davam edir. Açıq şəkildə deyə bilərik ki, düşmən sülhü dayandırmaq və ya durmaq niyyətində deyil, düşmən yeni bir müharibəyə hazırlaşır və Türkiyə ona hər cür kömək edir. Müharibənin nə vaxt olacağını söyləmək çətindir, amma hər zaman təhlükə var”.

Xatırladaq ki, Türkiyə ilə Azərbaycan arasında hərbi əməkdaşlıq çərçivəsində sentyabrın 6-da Laçında Türkiyə-Azərbaycan hərbi təlimləri başlayıb. Birgə təlimlər sentyabrın 10-dək davam edəcək.