Kəşf: İsraildə şişi donduraraq xərçəngi müalicə etməyin yolları tapılıb

İsrailin "IceCure" şirkəti şişləri donduraraq öldürmək üçün üsul hazırlayıb.

AJMEDİA.İNFO-un İsrail bürosundan bildirilir ki, bu üsulla böyrək xərçəngi, məsələn, 89,5% hallarda sağalıb. Xəstələr orta hesabla 4 il izlənilib və xərçəngin böyük əksəriyyətində residiv olmayıb. Şirkətin baş direktoru qeyd edib ki, bu üsulun şişin adi cərrahi yolla çıxarılmasından daha bir üstünlüyü böyrək funksiyasının zədələnməməsidir. Bu mesaj o qədər inqilabi hesab edildi ki, NASDAQ birjasında şirkətin səhmlərinin qiyməti 4,9 dəfəyə qədər qalxıb.

İsrailin tibbi avadanlıq istehsal edən IceCure şirkəti böyrək şişlərinin müalicəsi metodunun aralıq nəticələrini açıqlayıb. Şirkətin ProSense cihazından istifadə edən halların 89,5%-də şişlər təkrarlanmayıb. Müayinələr müalicədən 12-60 ay sonra aparılır.