İsraillilərin Hanuka üçün hara gedəcəkləri - dünyanın ən populyar 10 şəhərinin reytinqi, Azərbaycan bu siyahıda yoxdur

İsraildən uçuşların xəritəsi genişlənməkdə davam edir: 2023-cü ildə yəhudi dövlətinin vətəndaşları dünyanı görmək üçün yeni imkanlara malik olacaqlar. Bu haqda İsrail mediası qeyd edib.

AJMEDİA.İNFO xəbər verir ki, İslandiyanın hava daşıyıcısı “Icelandair” 2023-cü il mayın 10-dan oktyabrın 29-dək İsraildən İslandiyanın paytaxtı Reykyavikə həftədə üç dəfə uçuş həyata keçirəcək. İsraildən gedişlər: bazar, çərşənbə, cümə. Bundan əlavə, Icelandair israillilərə Reykyavikdən ABŞ və Kanadaya rahat tranzit uçuşları (transferlərlə uçuşlar) təklif edəcək.
Qeyd olunur ki, 2022-ci ilin əvvəlindən İslandiyaya 6600-ə yaxın israilli səfər edib.

İsrailin “Arkia” aviaşirkəti həmçinin yeni istiqamətlər elan edib: 2023-cü ilin yazından etibarən Madrid (İspaniya), Nitsa (Fransa), Berlin (Almaniya), Palermo (İtaliya), Palma de Mallorca (İspaniya) istiqamətlərinə uçuşlar həyata keçirməyə başlayacaq.

Aprel ayından Madridə uçuşlar həftədə iki dəfə (bazar ertəsi və cümə), mayda uçuşların sayı həftədə 4-ə - bazar, çərşənbə axşamı, cümə axşamı və şənbə günləri artacaq.
Arkia aprel ayında Berlinə həftədə iki dəfə - bazar ertəsi, çərşənbə, cümə günü uçuşlara başlayacaq. İyul ayında Nitsaya uçuşlar həftədə iki dəfə - bazar ertəsi və cümə günü yerinə yetiriləcək. Həmçinin iyul ayında Palma de Mallorcaya uçuşlar başlayacaq - bazar ertəsi, çərşənbə, cümə.
Ümumilikdə Arkia 2023-cü ilin yaz-yay aylarında 27 istiqamətə uçuşlar həyata keçirəcək.

Qarşıdan gələn Hanukka bayramı üçün israillilər istirahət yeri kimi Londona üstünlük veriblər. Google Flights-ın (onlayn uçuş axtarış xidməti) statistikasına görə, yəhudi dövlətinin vətəndaşları 20-26 dekabr 2022-ci il tarixləri üçün birbaşa Böyük Britaniyanın paytaxtına bilet axtarırlar, Nyu-York ikinci, Budapeşt üçüncü yerdə, Paris, Roma, Praqa, Amsterdam, Vyana, Dubay və Berlin növbəti yerlərdə qərarlaşırlar. Qeyd edək ki, Azərbaycanın adı bu siyahıda yoxdur.