İran Ukraynaya qarşı Rusiyaya belə DƏSTƏK OLUR - FOTO/VİDEO

Gürcüstan sərhədində – Türkiyənin Qafqaz və Orta Asiyaya açılan qapısı olan “Sarp” Sərhəd Qapısında Rusiya-Ukrayna müharibəsi səbəbindən tıxac yaranıb.

AJMEDİA.İNFO publika.az-a istinadən xəbər verir ki, Artvinin Kemalpaşa rayonundakı “Sarp” sərhəd keçid məntəqəsindən istifadə edərək Gürcüstan-Azərbaycan-İran üzərindən Mərkəzi Asiya ölkələrinə yük daşıyan ukraynalı yük maşını sürücülərini İran sərhədlərindən buraılmayıb.

Rusiyanı dəstəklədiyini bəyan edən İran Ukrayna nömrəli yük maşınlarına embarqo qoyub. Buna görə də Türkiyə üzərindən ölkələrinə qayıtmaq istəyən TIR sürücüləri “Sarp” sərhəd keçid məntəqəsindən keçə bilmirlər.

Sarp Sərhəd Qapısında yaşanan gərginliyə görə açıqlama verən Hopa Ticarət və Sənaye Palatası İdarə Heyətinin sədri Osman Akyürek müharibənin bir an əvvəl bitməsini arzulayıb: “İranın Ukrayna yük maşınlarının girişini dayandırması quru sərhəd qapılarında ölkəmizə doğru böyük sıxlığa səbəb olub. Bu müharibə prosesinin qısa zamanda bitməsini arzu edirik. “Sarp” sərhəd keçid məntəqəsi qısa müddətdə bu sıxlığı aşacaq”.