Azərbaycanda 12-15 yaşlı uşaqlara da koronavirus peyvəndi vurulacaq - Səhiyyə Nazirliyi

Azərbaycanda 12 yaşdan etibarən uşaqlara peyvənd vurulacaq.

AJMEDİA.İNFO xəbər verir ki, bu barədə Səhiyyə Nazirliyi məlumat yayıb.

Bildirilir ki, Səhiyyə Nazirliyinin Elmi-Tibbi Şurası cari epidemioloji vəziyyəti, Avropa Dərman Agentliyi, Amerika Ərzaq və Dərman Administrasiyasının yeniyetmələrə mRNT Pfizer (“Comirnaty”) peyvəndinin vurulmasına rəsmi icazələrini nəzərə alaraq qərar qəbul edib.

Qeyd olunur ki, müvafiq tibbi göstərişlərə və hər iki valideynin razılığına əsasən, 12-15 yaşı tamam olmuş yeniyetmələrə COVID-19 xəstəliyi əleyhinə mRNT Pfizer (“Comirnaty”) peyvəndi vurula bilər.

12-15 yaşlı yeniyetmələrin vaksinasiyası mərkəzləşdirilmiş şəkildə Bakı Sağlamlıq Mərkəzində aparılacaq.