Xəstəxanaya zərbə: Britaniya hərəkətə keçdi

Böyük Britaniya müttəfiqləri ilə Qəzza zolağında xəstəxanaya hücumla bağlı şəraiti müəyyən etmək üçün çalışacaq.

AJMEDİA.İNFO xəbər verir ki, bu barədə Böyük Britaniyanın xarici işlər naziri Ceyms Kleverli X səhifəsində bildirib.

"Əhli-Ərəb Xəstəxanasının dağıdılması dəhşətli insan itkisidir. Böyük Britaniya açıq şəkildə bildirir: Mülki şəxslərin müdafiəsi hər şeydən öncə olmalıdır. Böyük Britaniya müttəfiqləri ilə birlikdə nə baş verdiyini anlamaq və Qəzzada günahsız mülki insanları qorumaq üçün çalışacaq", - o yazıb.

Qeyd edək ki, İsrail ordusunun Qəzzada xəstəxanaya endirdiyi zərbə nəticəsində 800 nəfərin öldüyü bildirilir. Fələstin lideri Mahmud Abbas olayla bağlı 3 günlük matəm elan edib, eyni zamanda ABŞ lideri Co Baydenlə İordaniyadakı sammitdən imtina edib.

İsrail isə hücumda əli olmadığını, xəstəxanaya düşən raketi "İslami-Cihad"ın buraxdığını bildirib.//Axar.az