“WhatsApp”dan mesajlarla bağlı YENİLİK - Artıq müdaxilə edə biləcəksiniz

“WhatsApp” platforması yönləndirilən mesajlar üçün yeni funksiyanı təqdim edib.

AJMEDİA.İNFO xəbər verir ki, yeni funksiya yönləndirilən mesajlara qeydlər əlavə etməyə imkan verəcək. “WhatsApp” bu yeniliyi hazırda tətbiqin beta versiyasında sınaqdan keçirir. “WhatsApp” yeni funksiyanı Android üçün yayımlanan 2.24.25.3 beta versiyasında istifadəyə verib. Bu yeniliyə görə, fərdlərə və ya qruplara yönləndirilən bütün məzmuna subtitrlər əlavə etmək mümkün olacaq.

“WABetaInfo”nun məlumatına görə, bu mühüm yenilik istifadəçilərə şəkillərə, videolara, sənədlərə və hətta ötürülən digər mesajlara kontekst əlavə etməyə imkan verir.