TOST maliyyə piramidasına pul qoyan azərbaycanlılara PİS XƏBƏR!

TOST maliyyə piramidası ilə bağlı rəsmi araşdırmalar aparıldıqdan sonra hesabda olan pullar kütləvi şəkildə silinməyə başlayıb.

AJMEDİA.İNFO xəbər verir ki, bununla bağlı “Technote Media” texnoloji informasiya agentliyinin rəhbəri Fərid Pərdəşünas məlumat verib.

"Qara xəbərlər gəlir! TOST maliyyə piramidasının nağdlaşma hesablarındakı pullar əriyir. Bir neçə saata 3.6 milyon dollar vəsait, 55 min dollara enib. Bu artıq pulu götürüb aradan çıxmaqdır. Hazırda pulunu çıxara bilməyən istifadəçilərdən hesaba əlavə ödəniləcək vergini qoymaq tələb edilir. Bu artıq son atışdır. Pulu götürüb qaçırlar. Qətiyyən vergini balansa qoymayın. Onsuz da getdi pullar. Bədbəxt oldu oynayanlar" - deyə o sosial hesabındakı paylaşımında qeyd edib.

Qeyd edək ki, DİN-in Kibercinayətkarlıqla Mübarizə Baş İdarəsində həmin maliyyə pramidası ilə bağlı araşdırma aparılması barədə bu gün rəsmi xəbər yayılmışdı.