“Tinder” sosial şəbəkəsində dələduzluq – Sizi bu yolla aldada bilərlər

Azərbaycanda “Tinder ovçuları” dələduzluğu yenidən aktivləşib.

AJMEDİA.İNFO bildirir ki, bu barədə tanınmış texnobloqer Fərid Pərdəşünas məlumat yayıb.

O, fikirlərini bu cür ifadə edib: ““Tinder” sosial şəbəkəsində Azərbaycana yeni gəldiklərini iddia edən xanımlar oğlanlarla tanış olur. Təcili görüş üçün oğlanlara saxta sinema saytı göndərirlər ki, bilet al, axşam filmdə arxa sıralarda oturaq və “emosianal ehtiyaclarımızı” ödəyək”.

F.Pərdəşünas bildirib ki, həmin linklər yerli sinema saytlarının kopyası olur və fişinqdir: “Yəni bu linklər vasitəsilə kartınızdan bütün pullar çəkiləcək”.