"SpaceX" şirkəti turistlərin olduğu kosmik gəmini BKS-ə göndərib

"Axiom" kommersiya proqramı çərçivəsində "Falcon 9" raketi "Crew Dragon" pilotlu kosmik gəmisi ilə Beynəlxalq Kosmik Stansiyaya (BKS) start götürüb.

Bu barədə "SpaceX" şirkəti məlumat yayıb.

Gəmiyə keçmiş "NASA" astronavtı və BKS-nin ilk qadın komandiri Peqqi Uitson komandirlik edir, pilot sahibkar Con Şoffner, ekipaj üzvləri isə Səudiyyə Ərəbistanı astronavtları Rayyan Barnavi və Əli əl-Karnidir.

Astronavtlar BKS-də səkkiz gün qalacaq və bu müddət ərzində onun daimi heyəti ilə birlikdə çalışacaqlar.