SOCAR-ın İstanbul ofisinə basqın bizə hücumdur – Video

SOCAR-ın İstanbuldakı ofisinə edilən basqını ən sərt şəkildə qınayır və pisləyirəm.

AJMEDİA.İNFO xəbər verir ki. bu sözləri BUTA.TV-a açıqlamasında Türkiyənin ölkəmizdəki keçmiş səfiri, İMZA İctimai Birliyinin Türkiyə nümayəndəsi Hulusi Kılıç deyib.

Diplomat bu addımın həm də Türkiyəyə qarşı atıldığını bildirib, cavabsız qalmayacağını vurğulayıb:

“SOCAR Azərbaycanın olduğu kimi, Türkiyənin də ən önəmli qurumlarından biridir. Orada işləyənlər isə xarici ölkədə yox, öz evlərindədirlər. Biz bunu belə qəbul edirik. SOCAR hərbi obyekt, səfirlik və ya baş konsulluq deyil, mülki obyektdir. Ona görə də binanın mühafizəsi digər mülki qurumlar kimi təşkil edilir. Lazımi yerlərdə öz sözlərini deyə bilməyənlər Fələstin bəhanəsilə bu murdar əməli törədiblər. Onlara buradan çağırış edib deyirəm ki, əgər hünərləri çatırsa, gedib ərəb ölkələrində belə etirazlar keçirsinlər. Türkiyə bir çox dövləti qarşına alaraq Fələstinli bağlı ən ciddi addımlar atan ölkədir. Azərbaycanın da Fələstin məsələsində mövqeyi bəllidir. Bir daha bu hücumu və onu törədənləri lənətləyirəm. Bizə evimizdə hücum edənlər qanun qarşısında ən sərt şəkildə cəzasını alacaq”.

Qeyd edək ki, bir qrup şəxs Fələstin bəhanəsilə SOCAR-ın İstanbul ofisinə basqın edib, binaya ziyan vurublar. Bununla bağlı Teleqram kanallarında görüntü paylaşılıb. Onların ərəb olduğu bildirilir.