Rusiya vətəndaşları əvvələ nisbətdə Azərbaycana daha çox səfər edirlər

2024-cü ilin yanvar-iyun aylarında Rusiya vətəndaşlarının 12,6 milyonu xaricə səfər edib.

AJMEDİA.İNFO xəbər verir ki, bu barədə Federal Təhlükəsizlik Xidmətinin sərhəd xidmətinin statistik məlumatında deyilir.

Səfərin bütün məqsədləri nəzərə alınmaqla daxil olan rusların sayında mütləq lider ənənəvi olaraq Türkiyə olub. 2024-cü ilin yanvar-iyun aylarında Türkiyəyə rusiyalıların axını ötən illə müqayisədə 9,4% artaraq 2,5 milyon səfər təşkil edib. Qazaxıstan ruslar üçün ən populyar istiqamətlərdən biri olub, baxmayaraq ki, bu ölkəyə səfərlərin sayı il ərzində 9% azalaraq 1,2 milyon nəfər təşkil edib.

Amma Rusiya vətəndaşları bir il əvvəllə müqayisədə Gürcüstana daha çox səfər ediblər - 522,7 min (+31,5%) və Azərbaycana - 340 min (+26%).