Qeyri-sabit hava şəraiti bu tarixədək DAVAM EDƏCƏK

Azərbaycanda qeyri-sabit hava şəraiti noyabrın 22-si səhərədək davam edəcək.

Bu barədə AJMEDİA.İNFO-ya Ekologiya və Təbii Sərvətlər Nazirliyinin Milli Hidrometeorologiya Xidmətindən məlumat verilib.

Qeyd edək ki, noyabrın 21-i saat 9:00-a olan məlumata əsasən, ölkə ərazisində hava şəraiti qeyri-sabit keçib, bəzi yerlərdə arabir yağış, dağlıq ərazilərdə qar yağıb. Şimal-qərb küləyi ayrı-ayrı yerlərdə arabir güclənib.