Pomidor-xiyarın əlçatmaz qiymətləri - Novruz bayramına qədər daha da artacaq

Bayram ərəfəsi və tətil günlərində ərzaq məhsulları içərisində ən çox bahalaşma tərəvəz məhsullarında müşahidə olunur. Mağazalarda və meyvə-tərəvəz köşklərində xüsusən pomidor və xiyarın qiyməti kəllə-çarxa çıxıb. Sosial şəbəkələrdə tez-tez yayılan görüntülərdə xiyarın 7-9 manat qiymətlə satışa çıxarıldığını əks etdirən foto və videolara rast gəlinir.