Müdafiə Nazirliyində yüksək vəzifəyə təyin olunan şəxs kimdir? - DOSYE + FOTO

Azərbaycan Prezidenti İlham Əliyevin müvafiq Sərəncamı ilə general-mayor Müşfiq Məmmədov Xıdır oğlu Müdafiə Nazirliyinin Şəxsi Heyət Baş İdarəsi rəisi vəzifəsinə təyin olunub.

AJMEDİA.İNFO yeni təyin olunan rəisin dosyesini təqdim edir:

Müşfiq Məmmədov Azərbaycan Respublikası Silahlı Qüvvələrinin Hərbi Akademiyasının məzunudur.

Əslən Laçın rayonundan olan M.Məmmədov həm də Azərbaycanın Bolqarıstanda akkreditə olunmuş hərbi attaşesi vəzifəsini icra edib.

Prezidentin “general-mayor” ali hərbi rütbəsinə layiq gördüyü Müşfiq Məmmədov Azərbaycanın Ankaradakı səfirliyinin hərbi attaşesi olub.

O, 2020-ci ildə “Vətən uğrunda” medalı ilə təltif edilib.