MOSSAD rəhbəri Romada nə danışıb?

İsrailin kəşfiyyat xidməti MOSSAD-ın rəhbəri David Barnea, Qəzza zolağındakı vəziyyəti həll etmək üçün Romada görüş keçirib.

AJMEDİA.İNFO xəbər verir ki, görüşlər önümüzdəki günlərdə də davam edəcək. Bu barədə İsrailin baş naziri Binyamin Netanyahunun ofisi məlumat yayıb.

Ofisdən bildirilib ki, tərəflər təklif olunan sazişin qeyd olunduğu sənədi müzakirə ediblər.

İsrailin baş naziri Benyamin Netanyahu iyulun 26-da Floridada ABŞ-ın sabiq prezidenti Donald Trampla görüşündə bildirib ki, o, Qəzza zolağında radikallar tərəfindən saxlanılan girovların azad edilməsi ilə bağlı razılaşmanı müzakirə etmək üçün danışıqlar aparacaq komandanı Romaya göndərəcək.//Globalinfo.az