Misir və İsrail arasında Qəzza ilə bağlı yeni təkliflər mübadiləsi oldu

HƏMAS hərəkatı və İsrail arasında danışıqlarda ABŞ və Qətərlə yanaşı vasitəçi kimi çıxış edən Misir nümayəndələri və İsrail tərəfi Qəzza zolağında hərbi əməliyyatların dayandırılmasına dair yeni təkliflər mübadiləsi aparıblar.

AJMEDİA.İNFO TASS-a istinadən xəbər verir ki, bu barədə “Asharq News” telekanalı məlumat yayıb.

Tərəflər bir-birinə "anklavda atəşkəslə bağlı yeni təkliflərin layihələrini" təqdim ediblər.

“Maan” agentliyinin məlumatına görə, Misirin təqdim etdiyi layihə "həm təhvil verilən girovlar, həm də İsrail həbsxanalarından azad edilməli olan fələstinli məhbuslar baxımından İsrail tərəfindən qəbul edilməyə yaxındır".

Qahirənin təşəbbüsü HƏMAS-ın İsrail və ABŞ vətəndaşlığı olan İdan Aleksander də daxil olmaqla sağ olan səkkiz və ya doqquz girovu, həmçinin Qəzza ərazisində həlak olmuş səkkiz girovun meyitlərini təhvil verməsini nəzərdə tutur.

İsrail isə ömürlük azadlıqdan məhrum edilmiş 150 ərəb də daxil olmaqla bir neçə yüz fələstinli məhbusu azad etməlidir. 50 gün davam edəcək bu dövrdə Qəzza əhalisinə humanitar yardımın çatdırılması bərpa ediləcək. Münaqişə tərəfləri arasında hərbi əməliyyatların dayandırılmasını və İsrail qüvvələrinin Qəzzadan çıxarılmasını şərtləndirən sazişin ikinci mərhələsi üzrə birbaşa olmayan danışıqların bərpası üçün atəşkəs dövrü 70 günə qədər uzadıla bilər.