İsrail ordusu İranın yeraltı raket zavodunu MƏHV ETDİ

Suriyada İranın inşa etdiyi yeraltı raket zavodu məhv edilib. Bu, İsrail qüvvələrinin quru əməliyyatı zamanı baş verib.

AJMEDİA.İNFO xəbər verir ki, bu barədə “Axios” öz mənbələrinə istinadən məlumat yayıb.

Bu həftənin əvvəlində İsrail Müdafiə Qüvvələrinin elit bölməsi Suriyada olduqca qeyri-adi reyd keçirib və İsrail və ABŞ-nin İran tərəfindən inşa edildiyini iddia etdiyi yeraltı dəqiq idarə olunan raket qurğusunu məhv edib.

Qeyd olunur ki, bu reyd son illərdə İDF-nin Suriyadakı İran hədəflərinə qarşı keçirdiyi ilk quru əməliyyatıdır.

Zavodun məhv edilməsi İrana və Hizbullahın Suriya ərazisində yüksək dəqiqlikli, orta mənzilli raketlər istehsal etmək səylərinə ciddi zərbə vurub.(unikal)