İsrail Livanda “Hizbullah”a məxsus hədəfləri vurdu

İsrail Hərbi Hava Qüvvələri (HHQ) Livanda “Hizbullah”a məxsus silah anbarlarına hücum edib.
AJMEDIA.INFO xəbər verir ki, bu barədə ordunun mətbuat xidməti məlumat yayıb.
“Gecə saatlarında İsrail hərbi hava qüvvələri Livanın cənubunda “Hizbullah”a məxsus raketlər və digər silahların olduğu iki silah anbarına hücum edib”, - məlumatda deyilir.
Qeyd edək ki, Livandan mütəmadi olaraq atəşə tutulan və İsrail ordusunun atəşlə cavab verdiyi İsrailin şimal sərhədində gərginlik davam edir. Yəhudi dövlətinin şimalındakı sərhəd bölgələrindən 80 mindən çox israilli təxliyə edilib.