İmamoğlunun şirkətinə həbs qoyuldu

İstanbul Böyükşəhər Bələdiyyəsinin (İBB) sədri Əkrəm İmamoğlunun da pay sahibi olduğu “İmamoğlu İnşaat Ticarət və Sənaye” şirkətinə həbs qoyulub.
AJMEDİA.İNFO xəbər verir ki, qərar prokurorluğun tələbi və məhkəmənin qərarı ilə çıxarılıb.

Qeyd edək ki, İstanbul Baş Prokurorluğu tərəfindən İBB sədri İmamoğlu və 99 şübhəli barəsində “cinayətkar təşkilata liderlik etmək”, “cinayətkar təşkilata üzv olmaq”, “qəsb”, “rüşvət alma”, “ağır fırıldaqçılıq”, “qanunsuz olaraq şəxsi məlumatların əldə edilməsi” və “tenderi saxtalaşdırma” cinayətləri ilə bağlı istintaq başladılıb.