Göyərtəsində beş nəfər olan helikopter qəzaya uğrayıb

Vyetnamın şimal-şərqindəki Kuanqnin əyalətindən Halonq körfəzinə səfər edən helikopter qəzaya uğrayıb.

Bu barədə “Thanh Nien” qəzeti yazıb.

Qeyd olunub ki, iki nəfər xilas edilib, onların vəziyyətləri haqqında məlumat verilmir.

Üç nəfər itkin düşmüş hesab olunur, dənizdə axtarış-xilasetmə əməliyyatı aparılır. Vurğulanıb ki, axtarışları günün qaranlıq vaxtı və hava şəraiti çətinləşdirir.

Hadisənin səbəbləri müəyyənləşdirilir.