Dünyanın ən böyük “iPhone”u İSTEHSAL OLUNDU

Fərqli layihələr həyata keçirən "YouTube" kanalı "DIY Perks" və eyni zamanda texnologiya kanalı olan "Mrwhosetheboss" yeni bir video yayımlayıb.

AJMEDİA.İNFO lent.az-a istinadən bildirir ki, videoda dünyanın ən böyük "iPhone"un hazırlandığı və cihazın da aktiv şəkildə işlədiyi göstərilir.

Bu nəhəng "iPhone" həm də Ginnesin Rekordlar Kitabına düşüb.

Normalda "iPhone"larda əməliyyat sistemi olaraq iOS-dur. Ancaq bu cihazda iOS kimi görünən Android əməliyyat sistemi var. Bununla belə, bu cihaz "Windows" əməliyyat sistemi ilə də işləyə bilər.

Dizaynını əsl "iPhone"a bənzədən komanda cihazda bir çox texnologiyadan istifadə edib. Tamamlanmış telefonun sensor ekran, kamera, fənər və şarj portu kimi bütün funksiyaları ehtiva etdiyi bildirilir.

Cihaz dünyanın ən böyük smartfon klonu kimi qeydə alınıb.