Dövlət qulluğu imtahanından Azərbaycan dili və informatika çıxarılacaq? - RƏSMİ AÇIQLAMA

Bildiyimiz kimi, dövlət qulluğuna qəbulun test imtahanı mərhələsi proqramlarına Azərbaycan dili, qanunvericilik, informasiya texnologiyaları və məntiqi təfəkkür daxildir.Bəzi sosial şəbəkə istifadəçilərinin iddialarına görə, dövlət qulluğuna qəbul imtahanından Azərbaycan dili və informatika çıxarılacaq, əvəzinə dünya görüşü və ingilis dili əlavə olunacaq.

Bəs bu, nə dərəcədə həqiqəti əks etdirir?

AJMEDİA.İNFO xəbər verir ki, məsələnin əslini öyrənmək üçün Sfera.az Dövlət İmtahan Mərkəzinə (DİM) sorğu ünvanlayıb.

Mövzu ilə bağlı DİM-in mətbuat katibi Xanlar Xanlarzadə bildirib ki, məlumat doğru deyil.