Yerusəlimdə bayram tədbirində erməni keşişlərin əxlaqsızlığı - VİDEO
12 saat əvvəlBritaniya kəşfiyyatı: “Kreml rusları işğal olunmuş ərazilərə nəzarət etdiyinə inandırır”
09 Aprel 2023 10:00 | Baxış sayı: 575
“Kreml rusları Ukraynanın işğal olunmuş ərazilərində vəziyyətə nəzarət etdiyinə inandırmağa çalışır. Bununla belə, reallıqda ərazinin böyük hissəsi aktiv hərbi əməliyyatlar zonası olaraq qalır”.
Bu barədə Böyük Britaniya Müdafiə Nazirliyinin kəşfiyyat icmalında bildirilib.
Qeyd olunub ki, Britaniya kəşfiyyatı aprelin 5-də Rusiya Prezidenti Vladimir Putinin sədrliyi ilə keçirilən ölkənin Milli Təhlükəsizlik Şurasının son iclasını təhlil edib. Bu, ötən ilin oktyabrından bəri ilk görüş idi.
Diqqət mərkəzində Rusiya Federasiyasının daxili işlər naziri Vladimir Kolokoltsevin məruzəsi olub. O, Ukraynanın işğal olunmuş ərazilərində qondarma hüquq-mühafizə orqanlarının fəaliyyətindən və ictimai asayişin qorunmasından danışıb.
“Kolokoltsevin əsas spiker seçilməsi çox güman ki, Kremlin bu ərazilərdə vəziyyətin normallaşdığını göstərmək cəhdidir”, - hesabatda deyilir.
Rusların iddialarına baxmayaraq, işğal olunmuş ərazilərin əksəriyyəti müharibə zonası olaraq qalır və bir çox vətəndaşların hüquqları məhduddur.
