Bakıda marşrut avtobusu qəza törətdi - VİDEO

Bakıda marşrut avtobusu qəzaya uğrayıb.

AJMEDİA.İNFO xəbər verir ki, hadisə bu gün saat 10:30 radələrində Ziya Bünyadov prospekində qeydə alınıb.

Belə ki, 67 saylı müntəzəm marşrut xətti üzrə hərəkət edən “Daewoo” markalı avtobus prospektin köməkçi yolunda “Mercedes” markalı minik avtomobili ilə toqquşub. Avtobus daha sonra piyada səkisinə və yolun sağındakı yaşıllıq sahəsinə çıxraraq ağacları sındırıb.

Hadisə nəticəsində xəsarət alan və ya alanların olub-olmaması barədə hələlik məlumat yoxdur.

Qeyd edək ki, son günlər paytaxt ərazisində marşrut avtobuslarının iştirakı ilə bir neçə ağır yol qəzası qeydə alınıb.