Bakı metrosunda cibgirlik edən gənc qız tutuldu

Bakı metrosunda cibgirlik edən saxlanılıb.

Daxili İşlər Nazirliyindən Lent.az-a verilən xəbərə görə, metronun “20 Yanvar” stansiyasında paytaxt sakininin 350 manat dəyərində mobil telefonu oğurlanıb.

Metropolitendə Polis İdarəsi və Yasamal rayon Polis İdarəsinin 29-cu Polis Şöbəsi əməkdaşlarının birgə keçirdikləri tədbirlərlə hadisəni törətməkdə şübhəli bilinən əvvəllər də oğurluqla əlaqəli cinayətə görə məhkum olunmuş 29 yaşlı Güldanə Məmmədova saxlanılıb.

Araşdırmalarla onun iyulun 18-də paytaxtın Nizami rayonu ərazisində 3500 manat dəyərində mobil telefon oğurlaması da müəyyən olunub.

Araşdırma aparılır.