Azərbaycanda aktrisa vəfat etdi

Əməkdar artist Zemfira Nəcəfova vəfat edib.

Bu barədə Lent.az-a Lənkəran Dövlət Dram Teatrının mətbuat xidmətindən məlumat verilib.

Aktrisa bu gün dəfn edilib.

Qeyd edək ki, Zemfira Musabala qızı Nəcəfova 1950-ci ildə Bakı şəhərində anadan olub. 1975-ci ildə M.A.Əliyev adına Azərbaycan Dövlət İncəsənət İnstitutunu bitirib və həmin ildən N.B.Vəzirov adına Lənkəran Dövlət Dram Teatrında aktrisa kimi çalışır. O, burada yüzdən artıq rolu canlandırıb.