Andlılar məhkəməsi ABŞ əsgərini məxfi məlumatları ötürməkdə ittiham edib

Boston Andlılar məhkəməsi Milli Hava Qvardiyasının əsgəri Cek Duqlas Teyşeyraya məxfi məlumatların qəbulu və ötürülməsi ilə bağlı altı ittiham irəli sürüb.

Sənəd cümə axşamı Massaçusets Dairə Məhkəməsinin elektron məlumat bazasında dərc olunub.

Təhqiqata görə, Teyşeyra "Ukraynaya avadanlıq verilməsi, onun ötürülməsi və necə istifadə edilməsi haqqında məlumat" ötürüb, habelə xarici ölkələrin xarici və iqtisadi siyasətindəki dəyişikliklər barədə məlumatlar yer alıb.

Sənədə əsasən, Teyşeyra 2022-ci ilin noyabrından 2023-cü ilin aprelinə qədər cinayət törədib.