ABŞ təcili təsdiq etdi: İsrailə bu silahları verir

ABŞ Dövlət Departamenti İsrailə təxminən 3 milyard dollar dəyərində bomba, partlayıcı maddələr dəsti və digər silahların satılmasını təsdiqləyib.

AJMEDİA.İNFO xəbər verir ki, bu barədə "Azadlıq” radiosu məlumat yayıb.

Qeyd olunub ki, İsrail 35,5 mindən çox 900 kiloqramlıq aviabombanın korpusunu, dörd min eyni çəkili betondağıdıcı bomba, həmçinin beş min ədəd 450 kiloqramlıq idarə olunan raket alacaq:

"Əsas təchizat 2026-2028-ci illər üçün planlaşdırılıb, lakin bəzi silahlar dərhal verilə bilər. 295 milyon dollar dəyərində D9 buldozerlərinin satışı da təsdiqlənib.

Bu, bir ay ərzində İsrailə silah satışı üçün təcili qaydada təsdiq edilən ikinci haldır".