SON DƏQİQƏ: Rusiya Ukraynada hərbi əməliyyatları dayandırdı
9 saat əvvəlABŞ Çexiya ilə helikopterlərin modernizasiyasına dair 650 milyon dollarlıq müqaviləni təsdiqləyib
04 May 2023 03:07 | Baxış sayı: 571
ABŞ Dövlət Departamenti Çex Respublikası ilə 650 milyon dollar dəyərində “AH-1Z Viper” hücum helikopterləri, “UH-1Y Venom” çoxməqsədli helikopterlərin təkmilləşdirilməsi və təmiri ilə bağlı sazişi təsdiqləyib.
Bu barədə ABŞ Müdafiə Nazirliyinin Müdafiə Əməkdaşlığı və Təhlükəsizlik İdarəsi məlumat yayıb.
“Dövlət Departamenti Çexiyaya “AH-1Z” və UH-1Y” təyyarələrinin təmiri - modernizasiyası və müvafiq avadanlıqların tədarükünün mümkün satışını təsdiqləmək barədə qərar qəbul edib. ABŞ Çex Respublikasına 22 mühərrik, 14 naviqasiya sistemi, 4 pulemyot və 24 radio təchizat verməyi planlaşdırır”, - deyə məlumatda qeyd olunur.
Bildirilir ki, Çexiya hakimiyyəti ABŞ-dan altı “AH-1Z” və iki “UH-1Y” helikopterinin təmiri üçün avadanlıq almağı xahiş edib. ABŞ Çexiyaya hərbi helikopterlər üçün lazım olan 22 mühərrik, 14 naviqasiya sistemi, 4 pulemyot və 24 radiostansiya verməyi nəzərdə tutur. Paketə digər kommunikasiya avadanlığı, elektron müharibə sistemləri, ehtiyat hissələri, habelə mühəndislik, texniki və logistik dəstək xidmətləri də daxil edilib.
