Yumurtanın 1 ədədi 1 MANAT – Yanvar ayına HAZIRLAŞIN

Son bir ayda şimal bölgəsi rayonlarının mərkəzi bazarlarında yumurtanın qiyməti kəllə-çarxa çıxıb.

Qusar, Quba, Xaçmaz bazarlarında kənd yumurtasının bir ədədi 40 qəpiyə satılır. Broyler yumurtasının ədədi isə alıcılara 18-25 qəpiyə təklif olunur. Alıcılar yumurtanın qiymətindən şikayətlənsələr də satıcılar, kəndlərdə toyuq-cücə saxlayan sakinlər yumurtanın bahalığını müxtəlif səbəblərlə əlaqələndirirlər. Bildirilir ki, quş yeminin bahalığı kəndliyə toyuq saxlamağa imkan vermir.

Bizim.Media-nın yerli icra hakimiyyətlərindən əldə etdiyi məlumata görə, bazarlar özəl sahə olduğu üçün qiymət bahalığına qurum müdaxilə etmir. Yəni, özünüzdə tezliklə imunitet hazırlayın, yanvar ayında kənd yumurtasının ədədi 1 manat olsa, təəcüblənməyin.