Terrorçular yalvarırlar: Türkiyəni dayandırın!

PKK terror təşkilatına bağlı “Suriya Demokratik Şurası”nın həmsədri İlham Əhməd Türkiyə Silahlı Qüvvələrinin əməliyyatlarını, xüsusən də bu əməliyyatlarda iştirak edən PUA-larını dayandırması üçün bütün dünyaya müraciət edib.

AJMEDİA.İNFO Teleqraf.com-a xəbər verir ki, Türkiyənin həyata keçirdiyi əməliyyatlarla əli-qolu bağlı olan PKK ölkə daxilindəki mövqelərini və nüfuz dairəsini itirdikdən sonra xaricdə də məhv olmaq həddinə çatıb.

Suriya sərhədlərində yeni əməliyyat ehtimalı hələ də qüvvədədir, PKK terrorçularının kömək fəryadları isə hər keçən gün bir qədər də güclənir.

İlham Əhməd Türkiyənin PUA-larını dayandırması üçün dünyanın Türkiyəyə təzyiq etməsini istəyib.

Dekabrın 12-də Stokholmda İsveç xarici işlər naziri Ann Linde ilə görüşən Əhməd bu ölkənin ən böyük qəzeti “Dagens Nyheter” üçün məqalə yazıb. Türkiyənin bu silahlarla Suriyada böyük irəliləyiş əldə etdiyini bildirən Əhməd PUA-ların onlar üçün ən böyük təhlükə olduğunu deyib.