Rumıniyada koronavirusa görə 300 min nəfər işsiz qalıb

Rumıniyada koronavirus səbəbindən ölkədə elan olunan fövqəladə vəziyyət nəticəsində 300 mindən çox insan işsiz qalıb. AJM Rumıniyanın Əmək və Sosial Müdafiə Nazirliyinə istinadla xəbər verir ki, işsizlərin çoxu topdan və pərakəndə satış, avtomobil təmiri mərkəzləri, inşaatda işləyirdilər. Eyni zamanda ölkədə turizm, xidmət, iaşə obyektlərinin işçilərinə də böyük zərər dəyib. Rumıniya hökuməti vəziyyətdən çıxış yolu kimi müxtəlif dəstək proqramları həyata keçirir.