Pakistanda baş verən terror nəticəsində dörd hərbiçi həlak olub

Pakistanın Bəlucistan əyalətində baş verən partlayış nəticəsində dörd hərbiçi həyatını itirib, ikisi isə yaralanıb.

AJM Pakistan mətbuatına istinadla xəbər verir ki, əyalətin Xarnay dairəsinin Safar-Baş rayonunda terrorçuların bomba yerləşdirdikləri maşın hərbçilərin üzərinə sürülüb.

Hadisəyə görə məsuliyyəti “Bəlucistanın azadlıq ordusu” terror təşkilatı öz üzərinə götürüb.

Terror aktına görə cinayət işi açılıb, istintaq aparılır.