"Legiya"nın idman direktoru Mahir Emreli ilə bağlı iddialara aydınlıq gətirdi

Azərbaycan millisinin futbolçusu Mahir Emreli Polşa "Legiya"sından ayrılmayacaq.

AJMEDİA.İNFO xəbər verir ki, bu barədə Varşava təmsilçisinin yeni idman direktoru Yatsek Zelinski TVPSPORT-a açıqlama verib.

Klub rəsmisinin sözlərinə görə, 24 yaşlı hücumçu ilə yanaşı, müdafiəçi Mateuş Veteska və Bartoş Sliş də "Legiya"da qalacaq: "Deyəsən, əsas komandadan heç kim getməyəcək. Bu günə olan vəziyyət belədir".

Qeyd edək ki, cari mövsümün əvvəlində "Legiya" ilə 3+1 illik müqavilə imzalamış Mahir Emrelinin azarkeşlərlə bağlı insidentdən sonra paytaxt klubunu tərk edəcəyi iddia olunur.