Merkuri retrosu bitir: Bu bürclər SINAĞA ÇƏKİLƏCƏK
3 saat əvvəlLaçında həlak olan hərbçilərə ŞƏHİD STATUSU VERİLƏCƏK
29 İyun 2021
Baxış: 772
Laçın rayonunda yol qəzasında həlak olan Azərbaycan Ordusunun hərbi qulluqçularına şəhid statusu veriləcək.
AJMEDİA.İNFO-nun məlumatına görə, bu barədə "Report"a hərbi qulluqçuların ailəsindən bildirilib.
“Müdafiə Nazirliyindən bizə dedilər ki, yol qəzasında həlak olan Azərbaycan Ordusunun müddətdən artıq həqiqi hərbi xidmət hərbi qulluqçuları - kiçik çavuş Zeynallı Coşqun Çingiz oğlu və əsgər Rəhimli Orxan Elxan oğluna şəhid statusu veriləcək”, - ailədən bildirilib.
Qeyd edək ki, iyunun 28-də günorta saatlarında Laçın rayonu ərazisində yol-nəqliyyat hadisəsi baş verib. "KamAZ" markalı hərbi yük avtomobilinin qəzaya uğraması nəticəsində Azərbaycan Ordusunun müddətdən artıq həqiqi hərbi xidmət hərbi qulluqçuları - kiçik çavuş Zeynallı Coşqun Çingiz oğlu və əsgər Rəhimli Orxan Elxan oğlu həlak olub.
Faktla əlaqədar cinayət işi açılıb, araşdırma aparılır.
Hər iki hərbi qulluqçu Sumqayıt Şəhidlər Xiyabanında dəfn ediləcək.