2021-ci ildə Azərbaycan vətəndaşları Türkiyədən 1 517 daşınmaz əmlak alışı həyata keçirib.

AJMEDİA.İNFO xəbər verir ki,bu rəqəm 2020-ci illə müqayisədə 238 ədəd və ya 18,6 faiz çoxdur.

2021-ci ilin dekabr ayı ərzində Azərbaycan vətəndaşları Türkiyədə 192 daşınmaz əmlak alışı həyata keçirib. Bu, 2020-ci ilin müvafiq ayı ilə müqayisədə 37 ədəd və ya 23,9 faiz çoxdur.

Dekabr ayında və ümumilikdə 2021-ci il ərzində Türkiyədə ən çox əmlak alışı həyata keçirən ölkələr sırasında Azərbaycan səkkizinci sırada qərarlaşıb.

Qeyd edək ki, 2021-ci ilin dekabr ayında xarici vətəndaşlar tərəfindən ümumi 7 930 daşınmaz əmlakın alışı həyata keçirilib. İl ərzində ümumilikdə xarici vətəndaşlar tərəfindən Türkiyədən 59 282 ədəd daşınmaz əmlak alınıb.