İsrailin Səudiyyə Ərəbistanı ilə yaxınlaşması Fələstin Muxtariyyətini narahat edir

Ramallah İsraillə Səudiyyə Ərəbistanının yaxınlaşmasından ehtiyat edir.

AJMEDİA.İNFO xəbər verir ki, Fələstin Muxtariyyəti (FM) rəhbərliyi münasibətlərin normallaşdırılması istiqamətində atılan addımlardan narahatdır, bu addımlara Fələstin məsələsi üzrə zəmanətlər daxil olmayacaq.

“ABŞ prezidenti Co Baydenin iyulun 13-də regiona səfəri ərəfəsində İsrail və Səudiyyə Ərəbistanı arasında əhəmiyyətli yaxınlaşma xəbərləri fonunda narahatlıq artır”, - deyə mənbələr bildiriblər.

Onların fikrincə, FM rəhbərliyi hətta İsrail-Fələstin münaqişəsi həll olunmamış İsrailin ərəb dövlətləri ilə münasibətlərini inkişaf etdirməsi fikrini qəbul edə bilməz.